Білім беру бағдарламасы
TUMO Astana-да өзіңнің оқу жолыңды өзің таңдайсың.
Біз адамның ең жақсысы өзіне шын қызықты жобалармен айналысқанда үйренетініне сенеміз.
Сен 11 шығармашылық және цифрлық бағыттың ішінен 4-ін таңдай аласың.
Қайдан бастаймын деп тұрсың ба? Уайымдама — барлық студенттер бастапқыда бағдарлау кезеңінен өтіп, барлық бағытпен танысып, өзіне жақындарын таңдайды.
Көптеген студенттер бізде шамамен екі жыл оқиды, бірақ қажет болса, ұзақ та қала аласың.
Өзіңе ыңғайлы қарқынмен үйрен
TUMO-да оқу процесі жекелендірілген, саналы және сенің даму жолыңмен қатар жүреді.
Сен өз деңгейіңе сай тапсырмаларды орындайсың — олар жеткілікті қиын, бірақ әрқашан орындалатын болады. Сен өз қарқыныңмен алға жылжисың және келесі қадамға тек дайын болған кезде өтесің. Сондықтан TUMO-дағы оқу жолының әрбір кезеңі — мағыналы әрі берік.
TUMO Astana-дағы бүкіл оқу процесі үш бірізді кезеңге бөлінеді.
Осы үш кезең саған өз бетіңше жұмыс істеу қабілетін дамытып, дағдыларыңды тереңдетуге және креативті индустрияларда, технологияда немесе өзің таңдаған кез келген салада табысқа жетуге көмектеседі.
Өзіндік оқу
сен цифрлық тапсырмалар мен интерактивті жобаларды орындайсың және жеке learning coach-тың қолдауын аласың.
Воркшоптар
базалық дағдыларды меңгерген соң, бір ай шамасында өтетін офлайн-сессияларға қатыса аласың. Оларды тәжірибелі мамандар жүргізеді және бұл сессиялар сенің қабілеттеріңді жаңа деңгейге көтереді.
Лабораториялар
жетекші компаниялардың сарапшылары өткізетін қысқа әрі қарқынды бағдарламалар. Мұнда қатысушылар бірігіп, шығармашылық пен командалық жұмысты ұштастыра отырып, күрделі топтық жобалармен айналысады.
Өз жолыңды таңда
Жекелендірілген оқытуды кең ауқымда жүзеге асыру үшін TUMO арнайы оқу платформасын — TUMO Path жүйесін жасады.
Бұл платформа әр студентке арналған жеке оқу жолын құрып береді. Сен өз қызығушылықтарыңа, оқу қарқыныңа және қолжетімді ресурстарға сәйкес келесі қадамдарыңды анықтай аласың. Платформа TUMO-ның бай контенті — өзіндік оқу, воркшоптар мен лабораториялар арасындағы бағытты жоспарлап береді.
Сенің қызығушылықтарың немесе жаңа мүмкіндіктер өзгерген сайын, бұл жоспар да нақты уақытта бейімделеді.
TUMO Path көмегімен сен өз өсу жолыңды визуалды түрде көріп, оқу барысында қандай деңгейге жеткеніңді бақылап отыра аласың.