TUMO Astana
TUMO Astana – жасөспірімдерге арналған креативті және цифрлық технологиялар саласындағы қосымша білім беретін инновациялық орталық. Орталық халықаралық жасанды интеллект хабы alem.ai базасында орналасқан.
Бағдарлама 12-ден 18 жасқа дейінгі оқушыларға арналған, толықтай тегін және 11 оқу бағытын қамтиды. Барлық сабақтар Астанада офлайн өткізіледі.
Оқу бағыттары
TUMO Astana орталығында 11 білім беру бағыты қолжетімді – әрбір жасөспірім өзіне шын мәнінде қызықты бағытты таңдай алады: бағдарламалаудан бастап графикалық дизайн, анимация және музыкаға дейін.
TUMO-дағы білім беру технологияны, креативтілікті және дербестікті ұштастыратын бірегей әдістемеге негізделген. Бағдарлама үш негізгі форматтан тұрады: өзіндік оқу, воркшоптар және оқу зертханалары.
TUMO Astana – Қазақстан мен Орталық Азиядағы алғашқы TUMO орталығы. TUMO Astana 2026 жылдың ақпан айында Астанада ашылып, технологиялар саласындағы адами капиталды қалыптастырудың алғашқы сатысы болып табылады.
Ол Қазақстан Республикасы Президенті Қасым-Жомарт Тоқаевтың тапсырмасы бойынша құрылып жатқан alem.ai халықаралық жасанды интеллект орталығының базасында орналасқан.